Page 41 - FDLP
P. 41
Seleccion Nacional di futbol di Aruba a
biaha pa enfrenta Guadalupe
Posted on 10/14/2018 6:33 pm AST | Updated on 10/14/2018 6:34 pm AST
ORANJESTAD - E seleccion Nacional di futbol di Aruba a biaha pa Guadalupe, pa
enfrenta Guadalupe den e di dos wega di CONCACAF Nations League. Mainta trempan
e hungadonan di e seleccion a yega Aeropuerto pa por a biaha pa Guadalupe, unda cu nan
a topa cu Presidente di Arubaanse Voetbal Bond (AVB), ing. Richard Dijkhoff. E
Seleccion Nacional a gana nan prome wega y diamars awo nan lo hunga nan di dos wega
den fase di grupo, buscando otro 3 punto den nan poule.
E Seleccion Nacional ta bon prepara p’e wega contra di Guadalupe, cual team ta mas
halto cu nos riba e ranking di FIFA. Marvic Bermudez, assistent coach di Seleccion
Nacional, a expresa cu Guadalupe ta afilia na Francia y ta reforsa nan mes cu hungadonan
di Francia. E coach di Guadalupe ta un ex campeon mundial di 1998 y ta un honor pa
hunga contra di un team cu tin coach di e nivel ey.
