Page 7 - HOH_Neat

A9
REINO Diasabra 16 Februari 2019

Comandante Craig S. Faller di Merca a bishita gobernador y prome minister

WILLEMSTAD – Diaranson ultimo e consul general
di Merca Margaret Hawthorne, a ricibi bishita di co-
mandante Craig S. Faller di sur Estados Unidos. Esaki
ta e prome bishita di comandante Craig S. Faller pa
e Caribe Hulandes desde cu el a bira comandante di
SOUTHCOM.

Admiraal Faller a asumi mando di SOUTHCOM na novem-
ber ultimo y ta responsabel pa e cooperacion di siguridad di
departamento si defensa na 45 nacionnan y teritorio di Amer-
ica Central,Sur America y lama di Caribe.
Comandante Faller a reuni cu gobernador Lucille George-
Wout y prome minister Eugene Rhuggenaath den reunion-
nan separa, pa asina expresa su gradicimento den nomber di
Merca pa determina e ubicacion di U.S. Forward Operating
Location (USFOL) y e colaboracion generoso y su contribu-
cionnan pa contra aresta e fluho di narcotico ilegal den e re-
gion.
E mision di USFOL na Corsou y Aruba ta defini den un acu-
erdo bilateral entre Estados Unidos y reino Hulandes, y tur e
operacionnan realisa na USFOL ta limita na actividadnan cu
ta detecta y monitoria trafico ilicito di narcotico.
Den su prome 90 dia como comandante di SOUTHCOM, el
a bishita Colombia, El Salvador, Guatemala, Honduras, Trini-
dad and Tobago, Brazil, y awo Curaçao pa asina scucha per-
spectivanan ,preocupacionnan ,ideanan di e nacion y expresa
e compromiso cu partner di forsanan militar y di siguridad
publico den region.

Consul general Hawthorne a bisa “E bishita di nivel halto
ta demostra e importancia cu Estados Unidos otorga a nos
cooperacion cu e islanan di Caribe Hulandes y reenforsa e
aliansa mutuamente beneficiario cu nos tin tocante varios
tema importante”.