Page 5 - WEB
P. 5
editor
POSTED ON AUGUST 06, 2018, 8:44 AM
5 MINS
POST VIEWS: 4
ORANJESTAD, Aruba
Parlamentario Endy Croes a splica cu e no por compronde politiconan “kima” di AVP. Mike de
Meza cu tin tanto luna sin presenta na Parlamento, pues na pia di trabao, diahuebs ultimo a trece yen
di barbaridad dilanti durante conferencia di prensa di AVP. Diripiente Mike de Meza tin tur solucion.
Cuminsando riba Gasunie, Mike de Meza a splica cu su persona a laga tur plan cla atras. Mientras ni
computers, ni documento e Coalicion aki a ricibi momento cu a drenta Cocolishi, corda plan of
documento.
Plan fantasma di Mike de Meza
Den un articulo data 13 di Juni 2011 Mike de Meza a publica lo siguiente “Utilities Aruba, Gasunie y
Valero a yega na palabracionnan concreto.” Segun Mike de Meza e tempo aya, esaki a wordo
concretisa den un reunion na San Antonio Texas algun dia promer. Pues desde Juni 2011 bo a
informa pueblo cu tur cos ta cla y tin palabracionnan concreto. Diripiente bo ta declara cu na
november 2017 ora bo a baha bo a laga tur plan atras y gobierno no kier ehecut’e. Ta ken Mike de
Meza kier gaña atrobe? Boso no ta compronde cu pueblo aki ta harta y fada di tanto manipulacion y
engaño di cada un di bosonan? Boso no ta compronde cu ta p’esey pueblo a castiga AVP cu
alrededor di 10 mil voto den un solo eleccion? Ainda falta! Mescos Mike de Meza y AVP a gaña
pueblo cu nan lo “elimina BBO”. Pueblo ta corda con fuerte nan a campaña cu esaki? Kico ta e
resultado? AVP a aumenta e BBO y a lag’e na 3.5%.
Mentira y mas mentira
Mescos den nan Plan Aruba Ariba AVP a priminti cu lo no mishi cu edad di pensioen. Kico Mike
Eman y Mike de Meza a haci? Nan a aumenta e edad di pensioen di 60 pa 65 aña. Asina tambe nan a
gaña pueblo cu nan tabata tin un plan pa seguridad. Manera nan a drenta, nan a destrui radarnan,
