Page 5 - FDLP
P. 5
Diaranson, 10 October 2018 AWEMainta 27
TORNEO DI REINO CU UN FINAL EXITOSO
Hobennan den Reino sumamente contento y motiva
DIABIERNA a tuma luga e gran final di Torneo di Reino unda cu 5 dife-
rente pais den Reino a participa den weganan di futbol y baseball. Un total
di 120 hoben a forma parti di e Torneo y a duna tur loke nan tin aden pa un
prestacion ehemplar. E weganan tabata cu hopi tension y sigur exitante pa e
participantenan. Fuera di weganan tur hoben a conoce mas di Aruba y asina
haya excursion rond di Aruba y disfruta di Aruba su paisahe.
Organisacion di Torneo di Reino conhuntamente cu Stichting Laureus y Al-
leen jij bepaalt wie je bent, ta sumamente satisfecho cu e resultado y a ter-
mina un Torneo di Reino 2018 cu hopi exito.
E resultadonan di e weganan ta lo siguiente:
BASEBALL FUTBOL
Bonaire (6) - Hulanda (3) Aruba 1 (4) - Hulanda 1 (0)
Aruba (8) - Curacao (1) Aruba 1 (7) - Hulanda 2 (0)
Sint Maarten (15) - Hulanda (0) Aruba 2 (5) - Hulanda 1 (1)
Curacao (5) - Hulanda (4) Curacao (3) - Hulanda 2 (0)
Bonaire (0) - St. Maarten (14) Aruba 1 (2) - Curacao (0)
St. Maarten (3) - Curacao (1) Nederland 1 (2) - Nederland 2 (5)
Curacao (8) - Boneiro (1) Aruba 2 (5) - Nederland 2 (3)
Final di Baseball tabata entre Aruba y Sint Maarten unda Sint Maarten a
resulta campeon. Di futbol tabata un wega sumamente intenso unda cu Cu-
racao ta logra empata e wega na 1-1. E wega ta termina na penalty, y asina
Curacao ta sali Campeon. Tur participante a ricibi un medaya pa nan logro.
E ganador a ricibi nan copa di Campeon.
Stichting Laureus, conhuntamente cu ‘Alleen jij bepaalt wie je bent’, Minis-
terie van Justitie en Veiligheid y Ministerio di Husticia, Seguridad y Integri-
dad di Aruba ta gradici tur participante, coachnan, mayornan, comunidad y
media pa a sostene Torneo di Reino 2018 den gran forma. Un danki ta bay
na tur embahador di e proyecto como tambe na sponsors: Ministerie van
Justitie en Veiligheid, Nirint Shipping, Jeaugd Fonds Sport & Cultuur, ABN
AMRO, Laureus Foundation, Aruba Tourism Authority, Gobierno di Aruba,
Fundacion Bon Intencion.
