Page 61 - FDLP
P. 61
TA INVESTIGANDO ENDY
CROES PA POSIBEL CASO DI
TRAFICACION DI HENDE
9 April, 2019, 9:34 pm
Parlamentario Endy Croes awe a confirma e rumor di cu tin un investigacion andando
den su contra pa posibel traficacion di hende. Ta papia di mas o menos 50 hende cu a
haya VISA di Reino Hulandes e ultimo dos añanan cu el a para garantia pa nan, pero cu
nan no a regresa y algun a gara trahando na Aruba. Como cu Hulanda ta esun cu ta otorga
VISA, e asunto aki ta hayando atencion na e nivelnan di mas halto.
E momento cu a señala e caso, no tabatin ni idea cu ta trata aki di un Parlamentario di
Aruba, cu ta sostene e Gobierno na mando. A menciona nomber di miembro di
Parlamento pa Fraccion di MEP, Jan Hendrik “Endy” Croes. E ultimo aki ta bisti
diferente pechi, entre otro esun di directiva di Aruba Softball Bond, inscribi riba su
nomber y cu oficina na su cas, Figaroastraat # 1 na Noord.
Fuentenan for di Warda nos Costa a confirma na nos cu for di aña pasa tin bista riba e
Parlamentario, buscando e stranheronan cu el a trece y permiti nan keda biba y traha na
Aruba. Varios di nan a gara trahando, entre otro den kapsalon.
