Page 17 - MIN ECEM 26 NOV 2016

Minister Mike de Meza y Minister Paul Croes presente pa
entrada oficial di Barceló Aruba e hotel di cinco strea

Friday, 25 November 2016 19:47
Comparti

Samuel Johnson‎ gerente general di Barceló Aruba durante e introduccion oficial di Barceló Aruba a hiba palabra
dirigiendo su mes na tur invitado. El a splica cu nan no a duda ningun instante ora cu nan a dicidi di tuma e lugar aki
over. No tin duda cu ta un regalo traha aki na un pais asina calido.

E compromiso di Barceló Aruba ta brinda servicio di excelencia. A probecha di e momento pa reconoce varios hende
cu a haci esfuerzo grandi pa e cambio fisico di e hotel. Representante di oficina di turismo di Aruba a hiba palabra
durante su presencia na introduccion oficial di Barceló Aruba na Aruba. El a splica cu e hotel Occidental tabata tey
pa e turista cu a busca un cadena di hotel cu tur cos inclui. Ta miles di huesped e hotel a haya tur e tempo y cu a laga
atras memorianan unico pa cada famia. E agredicimento a bay pa Occidental cu a brinda servicio duranta 12 aña.
Mescos ta bisa ayo ta bisa bon bini na e Grupo di Hotel Barceló. Cu esaki ta mehora e producto all inclusive. Ta sigur
cu e marca Barceló ta identifica su mes cu nos. Ta kere den embeyecimento di e hotelnan. ATA ta sigur cu a haya un
socio ideal pa turismo. Ta habri pa conoce e producto di Aruba. Ta confia cu lo tin un colaboracion poderoso. ATA a
desea tur clase di exito na Barceló cu na nan entrada a haya mas cu 5800 huesped caba. ATA lo ta disponibel pa
ricibinan den e biahe cu nan a haci pa Aruba. ATA lo sostenenan tambe pa asina tin un crecimento continuo.
Minister Paul Croes tambe a hiba palabra durante su presencia na entrada oficial di Barceló Aruba despues di salida
di Occidental. Pa nan como gobierno e interesante di e apertura y cambio ta cu Occidental a apoya economia di
Aruba dunando e experiencia di tur tempo. E cambio aki pa Barceló Aruba ta e confianza cu ta wordo duna na Pais
Aruba. Cu e cambionan cu Barceló Aruba ta haciendo caba na Aruba ta mustra of reitera loke Aruba ta wardando.
Minister Paul Croes a manda palabranan di bon bini na Barceló tambe na Aruba. Ta 14 hotel y Aruba ta esun di mas
bunita segun Minister Paula Croes. Minister Mike de Meza ta encarga cu turismo. Durante e ceremonia oficial el a
splica tambe manda palabranan di bon bini na Barceló Aruba. A felicita e personal di awor caba pa e trabou cu nan lo
bay haci. Juan Jose Rivas ta director di Grupo Barcelo. El a bin Aruba pa asina ta parti di e introduccion oficial di
Barceló Aruba. El a gradici gobierno di Aruba pa e bon acohida cu nan a haya. Ta encuentro aprobechador. Ta spera
cu nan por sigui cu e bon relacion y cu lo sigui mira otro mas den futuro.