Page 35 - FDLP
P. 35
Den Division Femenino di futbol SV Arsenal y
SV Dakota a empata den nan prome wega
October 19, 2018
ORANJESTAD, Aruba: E campeonato 2018-2019 di Division Femenino a inicia cu e encuentro entre SV
Dakota y SV Arsenal. E prome wega di e campeonato a reparti 1 punto na cada team despues cu esaki a
termina empata 0-0. Ambos team a ricibi oportunidad pa anota gol, pero no a logra esaki, unda cu e keepernan
tabata atento riba cada hugada.
Pa e prome wega contra SV Dakota, segun Pedro Morillo, coach di SV Arsenal, aña pasa nan prome wega a
keda tabla contra e team di Dakota. E ta haya cu e damanan di Arsenal a hunga bou di nivel, pasobra e team no
tabata completo durante training. Na final e wega a termina empata, unda cu nan a haya 1 punto
respectivamente.
SV Arsenal a subi tereno buscando e prome 3 punto, segun coach Morillo. Nan a haya dos oportunidad pa
anota y no a probecha di esaki. Coach Morillo ta contento cu e wega a termina empata y cu nan a haya 1 punto,
pasobra esaki tambe ta yuda nan.
