Page 12 - KPA

Noticianan di polis pa 15 di Maart 2017

Friday, 17 March 2017 14:11
Comparti

Aki ta sigui un resumen di noticianan di polis pa loke ta dia 15 di Maart, 2017.
Dama a sinti su mes ofendi door di hobennan
SAVANETA - Diaranson, pa mas of menos 12’or di merdia, un dama a bin na warda y kier a conta polis algo. El a
declara cu algun hoben a bin cerca dje caminda e ta traha na un supermercado na Savaneta y a haci un joke cun’e y a
pone riba internet. El a rabia asina hopi y a sinti su mes ofendi. E hobennan aki a pone prijs di unp roducto y a pone
riba un parti di homber traha di plastic. E dama a insulta nan door di a haci esaki. E tabata kier pa polis atende cu e
hobennan aki riba e asunto. E no tabata sa ni nomber, ni adres. E caso tin atencion di polis. Comandante na warda a
wordo poni na altura.

Discusion riba stoelnan perdi
PALM BEACH - Diaranson, pa mas of menos 11’or y 55 di mainta, comandante na warda di strandpolitie a manda un
patruya na High Rise pa un intermediacion. Eynan a papia cu algun trahado kendenan a declara cu un compania di
watersport a bay cu algun stoel di beach. Mas leu a bin resulta cu no tabata tin ningun denuncia y cu 5 stoel di beach
tabata perdi. Parti pazuid di Riu Palace, e stoelnan di beach a wordo haya door di e trahadonan y a trece esakinan
bek, unda cu nan mester ta. Fuera di esey tabata tin un discusion entre e homber KC di e watersport di Rudy Paesch
y JB kende ta gerente general di dicho hotel. Nan problemanan a wordo regla entre nan. Trankilidad a wordo
restaura.

Muchanan hoben ta guera homber cu malta y fruta
SAN NICOLAS - Diaranson, pa mas of menos 8’or y 6 di anochi, Central a dirigi patruya den Adolf van Nassaustraat,
caminda algun mucha homber tabata guera un homber cu fruta. Eynan a papia cu e homber W., kende a declara cu
un rato prome el a drenta tienda pa e cumpra algun cos. Ora cu e tabata na caminda bek pa su cas, na altura di
Elizabeth Bar & Restaurant den Mauritsstraat, el a wordo acerca pa 4 mucha homber jong, cu tabata riba bicicleta.
Tur tabata di color scur. Mas descripcion e no por a duna. Un di e hobennan a tir’e cu un bleki di Malta Balashi, cu a
alcans’e na su barica. Un otro mucha a tir’e cu un apelsina, cual a rak’e na su lomba. E mucha hombernan despues a
core bay den Adolf van Nassaustraat direccion pabao. W. a declara cu el a mira e hobennan aki un biaha na un cas
dilanti di Burger King. E no kier a duna keho, pero si tabata kier pa polis papia cu e mucha hombernan aki riba nan
comportacion. Den cuadro cu esaki, polis a bay banda di Burger King pa asina busca e 4 hobennan aki riba bicicleta,
pero no a topa cu nan. Central a wordo poni na altura.

Alexis Martina Belbodas haya den cas di su tanta