Page 25 - KPA

Pagina 16 Diabierna 17 Maart 2017

Sta. Marta:

Accidente

entre un SUV

Mitsubishi

y Nissan

Sentra

Diahuebs mainta 8:15 dos
auto a dal casi frontal riba
e caminda di Sta. Marta.
Esaki na momento cu un
SUV y un auto di famia a topa
otro net na e labado pabao
di e dam di Sta. Marta.
Un SUV RHD Mitsubishi
preto tabata bini di pazuid
y e auto di famia Nissan
Sentra tabata biniendo di
panord. Debi na e impacto
e SUV a bira rond bay
zuid-oost (casi pariba) bek
y dal den un palo di kwihi
pa despues bolter riba su
banda. Tabata falta masha
poco pa e SUV a cay den
e dam di Sta Marta. Si no
tabata pa un palo di kwihi
cu e SUV a dal den dje y
bolter riba su banda.

Den e SUV tabatin un
mama hoben cu su yiu
chikito cu danki Dios no a
haya hopi sla. E chauffeur
di auto di famia tambe
a ricibi algun sla den e
impacto. Polis y cuater
ambulance a presenta
den tempo record pa duna
asistencia na e heridonan
y a transporta nan pa
hospital. Daño material
tabata considerabel.