Page 18 - AWEMAINTA

18 AWEMainta Dialuna, 20 Maart 2017

DIJTHAM Aruba ta gradici tur

boluntario di Aruba Doet 2017

DIABIERNE 11 y diasabra 12 di maart ultimo un biaha mas
tabata e dianan grandi di Aruba Doet.
CEDE Aruba, hunto cu Oranje Fonds a organiza pa di 5 biaha Aruba
Doet, e acción di boluntario nan mas grandi di Aruba.
DijTham ta sumamente satisfecho cu tur e boluntarionan cu a
participa y ta expresa suma gradicimento na tur cu a contribuí na
Aruba Doet.
DijTham Aruba a duna su contribución den forma di entrega di verf,
materialnan pa suheta, obheto nan di juguete di scolnan y mas.

Tambe DijTham a contribuí entre otro na y cu proyecto nan di Fun-
dación di Hende Muher, di Scol EPI Aruba, y di Scol Preparatorio
Kukwisa.
Na scol Preparatiorio Kukwisa tur e hekinan a worde geverf di nobo
y e articulonan pa speelplaats a worde drecha.

Durante Aruba Doet, masha hopi trabou a worde realiza. Y esey ta
duna satisfacción na hopi club, scol, organización etc., cu normal-
mente no tin e posibilidad of medionan pa haci e trabounan aki.
Además, e participantenan n’e acción aki, trahando den equipo, ta
siña conoce hopi hende nobo y alabez ta presta ayuda tambe na
organizaciónnan dedica na bienestar di nos comunidad.

E éxito di Aruba Doet ta keda manifesta den e cantidad creciente
di boluntarionan cu ta compromete nan mes cada aña durante e
dianan di acción aki.
Durante Aruba Doet 2017 mas di 3.250 boluntario tabata activo
den mas of menos 153 obra di trabou.
Rey Willem Alexander y Reina Máxima t’e pareha patrocinador di
Oranje Fonds.