Page 12 - bon-dia-aruba-20190406

a12 riba caya
Diasabra 6 aPriL 2019

Madiki #45 un cas cu 12 apartamento sin bari pa tira sushi

MADIKI – Diahuebs durante control den bario di Ma-
diki a bin haya na Madiki # 45 cu un dump di sushi den
e cura di cas, cu ta yega te pafo ariba caminda publico.

Nos inspectornan a baha mesora na e cas y a bay papia cu e
doño di e cas y e doño di apartamento nan di palo. Investi-
gando nos a bin compronde cu e hende nan cu ta biba den e
12 apartamentonan ta tira tur tipo di desperdicio ariba e caya
aki .
Mirando cu e cas ni e apartamentonan no tin bari di tira des-
perdicio aden. Papiando cu e doño di cas cu ta huur e aparta-
mentonan aki nos a yega na un areglo cu e lo bay Serlimar pa
paga pa un baki pa lanta tur e desperdicionan aki di e sitio y lo
paga pa pone un bari di sushi. Ariba e potret nan por mira mas
di e sushedad aki.

Polis a detene chauffeur pa core sin documento

TANKI LEENDERT - Diahuebs atardi riba caminda
di Tanki Leendert patruya di Noord a duna chauffeur
di un Nissna Note señal pa para, pero esaki a intenta di
core bay.

Polis a atende cu e chauffeur di biaha y a pidie pa e docu-
mento di auto debi cu e tin plachi number blauw. E auto no
tin, seguro, ni belasting paga y e chauffeur ni rijbewijs. A bay
over na detene di biaha. Polis a confisca e auto, y pa sorpresa
di e oficialnan ora a bay coba den e auto wak si ta topa cu algo
iregular a topa cu dos sker, pochi marihuana, y placa. A con-
fisca esaki den y e homber lo keda pasa dilanti un sub fiscal.

Ceramento di Van Leeuwenhoekstraat en

conexion cu mantencion

ORANJESTAD - Departamento di
Obra Publico ta informa pueblo di
Aruba en general y specialmente nos
automobilistanan cu ta haci uzo di e
caminda di Van Leeuwenhoekstraat cu
diadomingo dia 7 di april 2019 lo cera
e caminda, pa departamento di Infra &
Verkeer haci trabounan di marcacion.
E caminda cu lo cera ta di La Granja
Restaurant te Peanuts Restaurant y e
trabounan ta di 7’or di mainta te 3’or
di atardi.

En conexion cu e trabounan menciona De-
partamento di Obra Publico ta haci un peti-
cion na tur automobilista pa no haci uzo di
e camindanan menciona y ta pidi pa tene
cuenta cu e inconveniencia cu lo por surgi
pa cual nos ta pidi nos disculpa.