Page 52 - MIN SOC

curpa, specialmente sexualidad, relacion di pareha, pero un focus hopi
importante riba balor y respet, vooral den e temporada aki.

Sr. Trinidad a splica cu den temporada di Carnaval, ta wak cu den e temporada
aki, hobennan kier experimenta, enjoy e bida. Pero ta importante pa nan

consciente pa haci’e na un manera saludabel. Eynan Famia Planea ta drenta y
brinda informacion pero tambe kico e manera mas safe ta pa nan disfruta di e

temporada, na un manera sano.

E edadnan ta varia di 14 pa 18 aña di edad y ta splicanan pa dicon ta
importante pa uza proteccion ora ta yega na e parti di sexualidad, dicon ta
importante pa duna balor y respet na nan curpa. Esaki ta encera tambe con bo

ta bisti, con bo ta presenta bo mes durante e eventonan. Esaki ta algo cu e
hobennan aki sigui bay cun’e den bida. Ta purba pone enfasis ariba cu e

decision ta den nan man. E fundacion ta pone tur informacion y producto, pero
na final ta nan decision pa nan respeta nan curpa y balora y proteha nan mes.

Sr. Trinidad ta splica cu e hobennan ta den un edad cu nan ta bira curioso

tocante aspectonan di bida, vooral social, emocional y tambe e curpa como
desaroyo. Aki mayornan por hunga un rol importante den esaki. Fundacion
Famia Planea ta bay na e scolnan na Aruba, pa por tin e rol di duna e

informacion corecto afo. Pero mayornan semper por acerca e fundacion y ta
brinda specificamente e informacion, con nan por actua den e temporada aki y e

resto di aña.

Por ultimo, Sr. Jonathan Trinidad di Fundacion Planea su mensahe ta pa
mayornan purba di tin un comunicacion hopi fuerte cu nan yiunan, y asina ey no

solamente ta crea un relacion di confiansa cu e yiu, cu si nan tin cualkier
pregunta, cualkier duda facilmente nan por acerca Fundacion y mas cu claro,
mayornan semper ta bon bini na Famia Planea y asina busca e informacion, si

nan mes no kier facilita e yiunan cu e informacion aki.