Page 67 - MIN SOC

Ta buscando solucion pa disputa entre SADA y gerencia di
aeropuerto

Wednesday, 08 February 2017 22:34
Comparti

Den un declaracion duna door di Minister Angel Bermudez, encarga cu Asuntonan di Aduana, el a splica
un poco riba e diferencia di opinion cu a surgi entre sindicato SADA (di Aduana) y e compania Triple A.
E mandatario a cuminsa pa bisa cu e ta compronde e posicion di aeropuerto, cu ta doño di e facilidad y
kier comercialisa cada espacio disponibel pa por sigui haya entrada y mantene nan propiedad up to
date. A surgi un diferencia di opinion entre miembronan di Aduana cu ta traha den terminal di salida di
aeropuerto cu gerencia di Triple cu a pone espacio disponibel di companianan di carrental.
Di otro banda e mandatario ta bisa cu mester por duna e autoridadnan concerni trahando den e terminal
ey pa por haci nan trabou, o sea ehecuta nan tarea, na un bon manera, di forma optimal.

E disputa ta bay riba e renobacion tumando luga den e sala di yegada, despues cu otro areanan a keda
cla. E disputa ta riba cuanto espacio Aduana ta haya pa nan hasi nan trabou y loke ta keda pa Triple A
por huur cu companianan di carrental. Na e punto aki e asunto a trance, pero, segun e mandatario, ta
trahando pa yega na un solucion na mesa di negociacion, unda cu ambos partido ta keda content. Ya caba
a topa cu SADA pa scucha tur nan preocupacion, despues Bermudez a reuni cu su colega encarga cu
Triple A Minister Mike de Meza y falta pa reuni cu director di aeropuerto pa despues trata di yega na e
solucion.
Minister Bermudez a expresa cu mester yega na un balansa unda cu tur partido mester keda contento.
Como adulto mester por yega na un acuerdo na mesa. Segun e ta splica, e parti unda cu tabatin un
carosa grandi y cu espacio pa grupo toca a wordo renoba. Triple A a planea pa eynan (60 M2) lanta un
oficina di Carrental. SADA ta cuestiona si esey ta e miho manera y cu e ta strobe Aduana di funciona. Ta
analisa si por ubica e oficina aki otro caminda of no.