Page 22 - HOH

HOH Academy A Celebra Graduacion Di

Studiantenan, Un Grupo Studiante Di BBL Y Tambe

Di ‘Infection Control’

 Local
- 11/09/2019

Fin di augustus a tuma lugar graduacion di un grupo di studiantenan di EPI kendenan a
caba nan BBL y tambe un colega empleado cu a sigui specialisa su mes riba tereno di
Higiena y Prevencion di Infeccion. Un atardi ameno unda cada studiante a ricibi nan
‘diploma’ y a comparti momentonan ameno cu otro.

Frans Figaroa, interim manager di HOH Academy, a duna di conoce cu a hinca esaki den
un estilo di ‘vakschool’. Esaki ta nifica cu e alumnonan ta cuminsa na EPI e prome 2
añanan. Ora cu studiantenan yega nan di tres aña den BOL (Beroeps Opleidende
Leerweg) ta selecta algun pa traha na hospital.

HOH Academy a palabra cu EPI cu e studiantenan ta bay 1 bes pa siman scol pa haya e
parti teoretico, mientras cu e resto di tempo nan ta keda labora den Hospital p’asina ricibi
formacion practico siñando a base diario con pa duna cierto cuido.