Page 18 - bon-dia-aruba-20181013

A18 DEPORTE
Diasabra 13 OctOber 2018

Tri-atleta Giannon Eights a presenta na e internacional team

na Buenos Aires 2018

ORANJESTAD - Den temperatura cu tabata 13 grado
Celsius, e atleta Giannon Eights a participa diahuebs
na e internacional relay hunto cu su compañeronan di
Maryhelen Albright di USA, Naomi Espinoza di Peru y
Dominic Pugliese di US Virgen Island.

E evento a conta cu presencia di e presidente di IOC Thom-
as Bach y presidente di International Triathlon Federation,
Marisol Casado Estupinan. Mester bisa cu Giannon a bay
como e number dos unda e mester a landa, core bais y finalisa
cu coremento na pia. E friu di e awa tabata bastante notabel
ora Giannon a sali pa despues core su bicicleta pa despues sali
na pia unda e la haya poco dificultad di bisti su keds door di
no por a sinti su dedenan. Tur esaki pa motibo di e efecto di
e friu.

Giannon a conta nos cu su landamento a bay bon, su tempo
tabata 4.38, riba bicicleta e la sigui hunto cu e coredo top di
Colombia unda e la registra un tempo di 10:24 pa despues
finalisa na pia den un bon careda cu 6:42 y un tempo final di
23:11 pa tag su compañera di Peru cu a competi como e di
tres den e relay. E relay team di Giannon a marca un tempo di
1:35:17 bon pa un di 11 luga overall den 16 team. Ganado a
bira Europe 1 cu un tempo di 1:26:12.

Asina tambe e Triathlon a yega su final pa Giannon cu sin
duda como un di esnan mas hoben di e competencia a gana
experencia memey di tri-atletanan grandi di nan pais.