Page 6 - MIN ON

AWEMainta Diaranson, 15 Februari 2017 9

Minister Michelle Hooyboer–Winklaar

Preparacion

den fase final

pa edificio nobo

pa SPO Pariba

SIMAN pasa Minister di Enseñansa, Michelle
Hooyboer–Winklaar a reuni cu Directie Onderwijs,
DOW y Director di SPO Pariba, pa finalisa y duna e
“green light” pa termina e documentonan necesario
pa por bay destaho publico p’e edificio nobo di SPO
Pariba.
E scol actualmente ta situa na Savaneta.

Antes e tabata resorta bou di SEPB, pero a inde-
pendisa na aña 2012 y awor ta resorta bou di Dienst
Publieke Scholen (DPS). Lo construi un edificio cu
ta bira un scol completamente nobo. Lo haci uzo di e
edificio bieu di Task Force na Brazil (dilanti Centro
di Bario Brazil).
Ta trata aki di un scol di 2 piso, cu lo tin tur aspecto
necesario pa brinda enseñansa optimal.
E lo conta tambe cu su “green house” caminda e studi-
antenan lo siña con pa planta nos productonan local.

Ta premira cu lo keda cla pa fin di februari cu tur
documento y asina aki por bay over na un destaho
publico pa fin di maart 2017.
E proyecto di SPO lo ta un edificio mas banda di
varios proyecto di renobacion y construccion durante
e ultimo 3 añanan, incluyendo Colegio San Antonio,
Colegio San Augustin, Colegio San Nicolas, Graf
von Zinzendorf Kleuterschool, Mon Plaisir Basis &
Kleuter, y Arco Iris Kleuterschool y Rosa College y
Prinses Amalia Basis.

Banda di esaki nan tambe a renoba cura di diferente
scol, manera Ayo Kleuterschool, Mon Plaisir Basis &
Kleuter, Colegio Felipe B. Tromp, Cacique Aterima,
PIUS X School y SPO Sta. Cruz. Na tur a inverti un
total di mas cu 27 miyon florin den infrastructura
escolar.

Fuera di edificionan di scol, tin 3 proyecto cu ta cla
pa cuminsa, cu ta renobacion di Biblioteca San Nico-
las, renobacion di gymzaal na ex Prinses Christina
School na San Nicolas y construccion di un speelzaal
completamente nobo pa Colegio San Augustin.
Tin otro scolnan cu lo tambe tin necesidad pa reno-
bacion, cu lo wordo financia den futuro cu fondonan
genera den e vervolg di FDA, esta Aruba Investment
Fund.