Page 39 - HOH

casnan, ta pasa cas pa cas y duna informacion na e habitantenan, pa cierto
artefactonan cu ta haya rond di cas. Aworaki esakinan no tin awa den dje, pero
ora awa yobe e ta forma un criadero. Den un caso asina, ta conseha e doñonan
di cas kico pa haci cu e artefactonan aki. Y tambe cierto cosnan rond di cas cu
no por wordo movi facilmente, esakinan ta wordo trata preventivamente pa ora
cu awa bay yobe, ya e tin insecticida den nan cu ta evita e criadero.
E trabou mss grandi ta pa duna informacion na pueblo pa ta prepara pa e
temporada nobo di awasero cu ta biniendo. Compara cu aña pasa, toch tin
cierto mehoracion cual ta danki na e comunidad cu ta yuda GKMB den esaki. Ta
wak un mehoracion door cu tin menos cas cu criadero. Loke si ta haya cu aki
aya ta haya den districtonan, cierto casnan cu hopi criadero cu ta forma un
problema pa full e bario.
En berdad ta wak e cantidad di casnan di criadero ta bahando poco poco, pero
si ta wak cu tin problemanan di casnan of terenonan, negoshinan cu ta keda
forma un problema y por forma un peliger pa full e bario.
Loke GKMB ta pidi comunidad cu si e ta sinti molester di sangura pero no sa di
unda e ta bin, yama GKMB y nan lo pasa check den e bario, e casnan y
terenonan habri, cu por ta tin un artefacto cu por ta habri, unda cu e lo por
‘vang op’ awa cual por crea criaderonan di sangura.
Si ta trata di algo grandi, lo tuma contacto cu Bureau City Inspector cu tin
contacto cu Serlimar.
Comunidad ta apoyando GKMB hopi bon, cual e director ta aprecia mirando cu
trahando conhuntamente por elimina e efecto di criaderonan di sangura.

https://masnoticia.com/gkmb-ta-activo-for-di-comienso-di-ana-controlando-pa-criaderonan-di-sangura/