Page 7 - ARUBA BANK
P. 7
Aruba Bank Ta Scoge E “Pitch” Di CBTL: Ban Lesa
Hunto
Local
- 11/06/2019
Durante di e proyecto di CEDE Aruba, Pitch Time, caminda cu hobennan a siña “pitch”
un plan/proyecto, pa por haci un impacto positivo den nos comunidad, y yuda
instancianan cu necesidad na Aruba riba termino largo. Aruba Bank a escoge pa sostene
Centro di Bario Tanki Lender cu nan proyecto di Ban Lesa Hunto.
E proyecto aki ta enfoca riba stimula muchanan pa lesa cu ayudo di eReaders. Un e
Reader ta un tipo di “Tablet” special pa lesa cu por warda miles di buki.
E eReader ta duna e mucha e opcion ora di lesa pa por ahusta e size y espacio di e texto
p’asina yuda si tin dificultad pa lesa. Den caso cu no ta compronde un palabra por klik
riba e palabra pa haña sa e significado sin interumpi e lesamento di e mucha.
E skina di lesa lo ta na Centro di Bario Tanki Leendert. Lo tin bean bags y muebles
comodo pa haci e espacio ameno. Esaki ta pa promove lesamento especialmente pa
muchanan di bovenbouw cu tin hopi buki pa lesa. E skina di lesa no ta limita hende di bin
cu nan mesun buki si nan tine.
