Page 22 - AWEMAINTA

22 AWEMainta Dialuna, 14 Januari 2019

Programa

“Hoben Activo,

Hoben Feliz”

ta continua den

aña 2019

NA luna di october a inicia e programa “Hoben

Activo, Hoben Feliz”, unda cada dos siman ta

introduci un deporte nobo.
Den e prome dos lunanan e muchanan a cera

conoci cu e deportenan di basketball, table-ten-
nis, karate y atletiek.

Meta di e programa aki ta pa stimula e hubentud

pa ta mas activo y saludabel. E programa aki ta
tuma lugar na Sport Centrum San Nicolas di-

aluna y diarazon for di 3:00 pa 5:00 di atardi.

Actividadnan durante e programa ta wordo di-

rigi na muchanan di 9 pa 13 aña. Intencion ta

p’e lesnan wordo duna dor di e clubnan di San
Nicolas p’asina ta mas facil p’e muchanan por

join despues di e programa.
Durante e luna di januari lo ofrece lesnan di Tae-

kwondo dia 21, 23, 28 y 30 di januari. Luna di

februari lo ofrece lesnan di volleybal, e prome
dos simannan, dia 4, 6, 11 y 13 di februari y e

ultimo dos simannan di februari lo ofrece lesnan
di Self Defense, dia 18, 20, 25 y 27 di februari.

Luna di maart, april y juni, e lesnan lo conti-

nua cu algun otro deporte cu lo wordo anuncia
despues.

Pa participa n’e programa HAHF por pasa regis-
tra na Sport Centrum San Nicolas entre 7:30am-

4:30pm. Inscripcion ta completamente gratis y

tur mucha cu ta participa n’e programa mester
trece paña y keds adecua pa deporte.

Pa mas informacion di e programa por yama IBi-
SA libremente na 584-8903/582-4987 of manda

un email pa schoolsportibisa@gmail.com.

Tambe por bishita e Facebook page di IBiSA
Aruba pa mas informacion di e programa aki.