Page 14 - AWEMAINTA

14 AWEMainta Diaranson, 29 Maart 2017

Minister Yrausquin a sigui cu hopi interes debate

den Tweede Kamer riba resultado di eleccion

DEN HAAG – Minister Plenipotenciario Juan
David Yrausquin a sigui cu hopi interes e debate
den Tweede Kamer awe diamars 28 di maart riba e
resulatado di eleccion pa un Parlamento nobo cu a
tuma luga na Hulanda 15 di maart ultimo.

Despues cu den e prome tanda e partidonan a duna na
bista y comentario riba e resultado di eleccion, tabata
na “verkenner” Edith Schippers pa hiba palabra basa
riba su rapport y tambe loke a keda remarca dor di e
politiconan di e diferente partidonan politico.

Despues Tweede Kamer a vota pa Edith Schippers
bira informador pa un siguiente coalicion y cu e lo
cuminsa combersacionnan cu lidernan di e partido-
nan VVD, CDA, D66 y Groenlinks pa mira si e por
yega eynan.

Durante su presencia na e debate den Tweede Kamer,
minister Yrausquin a haci uzo di e oportunidad pa
saludo y intercambia cu diferente politico, manera
presidente di Tweede kamer Khadija Arib, Sybrand
Buma di CDA y Alexander Pechtold di D66.

Detencion pa

ladronicia

di scooter

WILLEMSTAD –Continuando cu un investiga-
cion relaciona cu ladronicia di un scooter cu a tuma
luga diadomingo 26 di maart 2017, den oranan di
anochi na un hotel den area di Bapor Kibra, Polis a
detene un homber sospechoso.

Dialuna 27 di maart 2017, alrededor di 17:50pm,
Polis a bay na un cas na Seru Fortunaweg caminda
a señala e scooter. Na e cas a detene e homber
Y.R.E.D.J. naci na Surnam di 19 aña di edad.

Tambe Polis a confisca e scooter pa mas investiga-
cion. A presenta e sospechoso dilanti un Fiscal Aux-
iliar cu a ordena su encarcelamento pendiente di mas
investigacion.