Page 25 - MIN JUS 27 MAY 2017

Cu e ta posibel, esey a wordo prueba caba na diferente pais. Amplia e dia di scol, crea
scolnan cu un caracter y meta specifico, no ta un idea nobo, pero si nos no cuminsa
ehecuta e ideanan aki, nos lo haya nos mes den mas problema den futuro aki na Aruba.

E cifra di criminalidad lo no baha! Nos mester envolucra mas variacion den e forma di
educa nos mucha y hobennan. E tarea aki no por ta den man di nos maestronan so.

Lo mester amplia e team cu ta traha na un scol p’asina e trabou duro di un maestro por
wordo comparti cu mas hende y cada mucha haya mas atencion. Pasobra locual falta mas
cu tur, ta atencion.

Den un klas cu mas cu 24 mucha, e muchanan no por haya debido atencion di e maestro.
Pio ainda, si ta trata muchanan cu tin problema cu e idioma di instruccion, manera t’e
caso cu casi tur mucha na Aruba!!

P’esey, na varios pais, pero tambe na algun scol na Aruba, tin mayornan cu ta yuda cu
tareanan boluntariamente.

Na Aruba nos tin pensionadonan cu kier yuda part-time. Nos lo mester pensa den e
direccion di traha cu klassenassistent pa scol primario y secundario structuralmente. Tin
hopi solucion… awor falta e dedicacion pa cuminsa crea e scol di futuro, awe mes, segun
Mireille Sint Jago.

http://awemainta.com/mireille-sint-jago-di-mep-educacion-por-caba-cu-criminalidad/