Page 13 - WEB_Neat

loke ta un instalacion di Waste-to-Energy. Apesar cu ATIA a participa den un grupo di

trabao na beneficio di un plan nacional pa e problema di desperdicio na Aruba.

Segun e carta, e preocupacionnan actual di ATIA no tin mucho di haber cu un aanpak

integral y nacional, sinembargo pa sigui cu e alternativa indica pa e Minister, no ta bay di

acuerdo cu e maneho di Gobierno y apesar di e splicacion di e Minister, ta trece

preocupacion pa e instancianan ya menciona.

E instancianan ta realisa cu a hinca hopi tempo y esfuerso den e trayecto aki pa bin cu un

solucion adecua pa e problematica di sushi na Aruba, cu ta importante cu na final di dia a
scoge e solucion mas efectivo, eficiente y duradero pa e isla.

ATIA, AHATA y Camara di Comercio a asisti na e presentacion di Arcadis riba e tema

aki y a base di e presentacion riba e investigacion cu a haci como tarea di EcoGas, a bin

cu varios pregunta na e Minister en cuestion.

Na final di e carta, e instancianan a indica cu nan a tuma nota di e remarca di

Minister Otmar Oduber cu e haltura di e tipping fee, lo bay ta un factor basta pisa riba e

evaluacion di ofertanan pa un instalacion di Waste-to-Energy, remarcando cu tanto

comercio como e comunidad en general, por carga e peso financiero na e momentonan
aki, di cual ta hopi importante pa tin por lo menos un indicacion di e haltura di e tipping

fee den caso di un instalacion di Waste-to-Energy.

ATIA, AHATA y Camara di Comercio ta sostene un plan integral nacional y ta spera cu

nan bista critico por contribui riba desaroyo rond di e maneho di desperdicio riba Aruba,
na un solucion duradero y responsabel.