Page 3 - MIN JUS 11 MAY 2017

Douane y imigracion a bolbe protesta pa

2 ora awe mainta

Posted on 05/11/2017 11:26 am AST | Updated on 05/11/2017 11:27 am AST

ORANJESTAD – Cuerpo di douane y imigracion completo a bay plat pa dos ora
diahuebs mainta. Presidente di e sindicato di douane Eduard Maduro awe mainta a
confirma na NoticiaCla.com cu a yama saca tur douanero tur caminda pa sostene
esnan na aeropuerto cu nan causa awe mainta. Imigracion tambe a mustra
determina pa sostene nan coleganan douanero awe mainta. E hecho cu tin accion
atrobe ta pasobra e reunionnan di ayera no a resulta den nada concreto. Como tal
Maduro a mustra cu manera priminti, e sindicato a cumpli cu nan promesa di duna
gobernantenan 24 ora pa resolve e asunto sino nan ta bay den accion atrobe. No ta
descarta intensificacion di accion proximamente. De hecho, a intensifik’e caba
sacando tur douane tur caminda pa e accion.

PARA RIBA E SOLUCION ANTERIOR

Gerencia di tanto aeropuerto como di douane a para riba nan solucion presenta
anteriormente di añadi algun miembro di seguridad durante oranan crucial anochi laat
como parti di medida extra di seguridad. Pero mas cu esey nan no ta bay haci. Como tal
esey tabata suficiente pa Maduro informa su miembronan cu e accion ta sigui awe
mainta. Director di douane Ricky Croes a informa e sindicato cu e lo kier papia cu e
sindicato awe tardi. Maduro a mustra cu no tin problema pa haci tal, pero esey no kier
men cu e accion ta para. Imigracion tambe ta para firme cu nan tambe ta continua cu nan
accion. Nan representante sr Hoevertz a mustra cu nan ta keda den accion pa 2 ora y si
mester, lo intensifica esaki. Scucha entrevista cu e presidente di SADA, Eduard Maduro
AKI.