Page 7 - AAA JAN 19


Home
 About
 Advertise
 Agenda
 Contact
RSS
search

Ya como 88 mm di yobida a basha den 2017

Publication: Wednesday, 18 January 2017. Categoria: General

ORANJESTAD(AAN): Hefe di Servicio Meteorologico, Marck
Oduber, a splica cu den e proximo dianan, e tempo lo keda humedo y e ora esey ta keda yuda cu por haya algun dia
di yobida pasahero, manera ta e caso di e ultimo dianan. Tin biaha ta haya suerte of mala suerte, cu tin awacero ta
keda pasa riba Aruba.
Tin biaha nan ta keda net rond riba lama. Pero por lo general ta mira den e proximo 3 pa 4 dianan, chens pa yobida
pasahero ta keda vigente y ora awa yobe, e temperatura ta keda fresco pa mainta. Mas despues e aire por boltia y e
chens ta mengua un tiki.
Despues di diahuebs pa diabierna, e chens ta mengua, pero no cu ta descarta. Mester sigui e boletinnan di meteo
mas di cerca pasobra tipo di yobidanan aki, ta gewoon sigui e boletin di cerca pasobra e ta cambia casi diariamente,
den forsa y cantidad.
Tempo lo keda asina, sigur te mitar di Februari, ora e lo mengua. E cantidad di yobida registra den e prome dianan
di 2017 a yega na 88 mm caba. Riba e potret por mira awacero cayendo riba brug di lagoen na Playa.