Page 23 - HOH

Minister Dangui Oduber Contento Cu Proceso Di

Digitalisacion Na SVB

 Politica
- 17/07/2019

Minister Dangui Oduber ta anuncia cu Banco Social di asegurado, esta SVB ta bay
conoce cambionan importante den aña 2020. E mandatario a splica cu su vision ta pa
brinda un servicio moderno n’e aseguradonan por medio di tecnologia.

Cu e cambionan aki SVB lo funciona na un manera mas eficiente y cu tranparencia p’e
sociedad. SVB tin e deber pa administra e fondonan adecuadamente y cu confiabilidad,
pa mantene e fondonan financieramente sostenibel.

Minister Dangui Oduber a menciona cu tecnologicamente mundo ta avansa hopi liher y
pesey mes SVB mester keda proactivo p’asina uza e cambionan aki na nan beneficio. Tur
e inovacionnan aki ta duna SVB e oportunidad pa digitalisa nan servicionan na un manera
optimal cu lo beneficia tur cliente.