Page 45 - MIN SOC

bo sa cu for di delanta bo no por cumpli cu nan den e realidad di empresa.
Esey no ta yuda e trahadonan pasobra e ta crea decepcion bao di e trahadonan.
E parti ey tin un rol. Hopi biaha ta tuma luga tambe pa motibo cu no tin

suficiente informacion y formacion. Ta spera un biaha mas cu por purba of haci
un intento, di purba ranca sali cu programanan informativo y educativo, tanto

pa e dunadonan di trabao como pa e directivanan di sindicato y percura pa tin
un forma hopi cla pa atende cu esakinan.

Segun Pontilius hopi biaha e trahado mes no tin e informacion total di loke e
empresa ta come y bebe y esey ta hunga un rol den e parti financiero. Hopi

empresa te ainda no ta cla pa duna e trahado of nan no ta dispuesto pa duna e
trahado informacion periodicamente con e situacion di e empresa ta. Esey por
laga espacio pa e trahado compronde cu por haya mas di loke a wordo ofreci.

Den e realidad aki y den un isla chikito, ta importante pa cada empresa prepara
como parti di nan informacion interno, con e negoshi ta draai. Con e situacion

ta. Con competencia ta afectando e operacion. Di cada florin cu drenta, cuanto
pa e gastonan personal. Cuanto ta e gastonan di utilidad, cuanto ta e gastonan

di mantenimento. E partinan aki no ta hunga un rol grandi den empresa. Hpi
empresa ta concidera e informacion aki como un secreto. Hopi empresa ta

interpreta cu no ta asunto di e trahado y di dos nan tin temor pa comparti
informacion pasobra tin miedo pasobra ora e sali bay pafo, e informacion ta sali
distorciona, segun Pontilius.