Page 13 - KPA DEC 9

Dama chauffeur bou influencia di alcohol a ocasiona
accidente pabou di Euro Ceramica na Bubali

Friday, 09 December 2016 08:50
Comparti

Algo pada di 8:35 di anochi, riba e crusada na Bubali pabou di Euro Ceramica a sosode un accidente
cu tres auto envolvi. Patruya di trafico a presenta na e sitio y a topa cu un Altezza color cora numera
A-29371 kibra riba caminda y un persona a resulta levemente herida. Ambulance a presenta na e
sitio pa asina Paramediconan atende cu e victima.

Polis a constata cu e dama chauffeur cu tabata manehando e Ford Explorer numera A-33279 y
biniendo for di pabou a bay den banda contrario y dal basta duro riba e Altezza. E impacto aki a haci
cu e wiel banda robes dilanti di e Ford a kibra y e auto a slip riba caminda y bay un banda dal riba un
Kia Sportage shinishi numeraA-12953 y cu tabata staciona dilanti e cas. E dama a keda deteni. A
manda pidi transportwagen pa asina transporta e dama pa warda. Daño material tabata hopi.