Page 5 - WEB 24 APRIL

Awor kico por haci pa juda den e situacion aki?

Organisa un limpiesa di e habitad! Hopi di nos areanan cu mangrove a degrada debi na
e homber su sushedad. Hopi di e mangrovenan aki ta muri debi na e cantidad di
sushedad di plastic cu ta keda pega na nan reis. Pesey ta organsa un evento di
limpiesa di e mangrove na Spaans Lagoen (Aruba su unico luga protegi pa Ramsar),
invitando publico local via medionan social y un comunicado di prensa pa juda den e
limpiesa. E area den Spaans Lagoen ta designa como un wetland di e convencion di
Ramsar. Spaans Lagoen tin un superficie di 70 hectar. Spaans Lagoen tin diferente
pida di habitat cu ta enserra; partinan di salo, mangroves y awa salo di lagoon. E parti
halto ta seco cu kraak cu tambe ta parti di wetland cu ta haya e awa di jobida for di Rooi
Frances, Rooi Taki y Rooi Bringamosa. Fuera di e parti seconan aki tin otro areanan cu
mangrovenan cu tin diferente especie di mangrove cu ta habita diferente tipo di fauna
manera parha, pisca y variedad di cocolishi. Na e parti zuid di Spaans Lagoen tin un
lagoen cu ta consisti di awa di lama y durante temporada di awacero e awa ta bira brak.
Organisadornan a scoge e area aki pasobra e ta un wetland y localmente como
internacionalmente e ta importante pasobra su proteccion merece mas atencion serca
tanto e publico local como gobierno.

E prome evento WWD na Aruba. (World Wetlands Day Mangrove)

E iniciativa aki ta despues cu Zaida Everon, docente di Biologia na Colegio Arubano y
Ing. Tatiana Becker un experto di mangrove local a entrega un tayer na su alumnonan
cu su preocupacion di e eco sistema riba mangrove na isla di Aruba. E preocupacion di
e persona aki riba medionan social ta mustra e impacto riba desaroyo di proyectonan
canto di lama y mester tuma action pa proteha nos wetlands local. E tempo ta perfecto
debi cu World Wetlands Day ta na skina y di dos cu intercambio cu studiantenan di
Universidad di Utrecht cu lo haci nan projecto di thesis riba conservacion y restauracion
di nos mangrove na Aruba. Finalmente, meta di organisadornan ta pa manda e
mensahe di amor y bunitesa di wetlands door na diferente actividad como tayer, lectura,
restauracion di mangrove como tambe exhibition di potret y proteha futuro di nos
mangroves.