Page 26 - UTLITIES JAN 18

Prome Minister Mike Eman: Autonan electrico ta e
consumidor y mercado nobo pa nos compania di utilidad

Tuesday, 17 January 2017 18:35
Comparti

Ademas di baha nos emision di gasnan toxico den atmosfera y nos dependencia riba fuel oil, un
transicion di e transportacion priva ta representa un mercado potencial nobo pa nos compania local di
electricidad. E consumidor nobo ta bira e chauffeur di auto electrico y di e manera aki ta reemplasa e
casnan cu cada dia mas ta haci e switch pa un fuente di energia sostenibel.

Minister President Mike Eman a reflexiona riba e punto aki durante lansamento di e auto 100% electrico
Hyundai Ioniq na Garage Centraal. “Hopi bes, ora cu e companianan di utilidad wak e vision di Gobierno
pa haci Aruba mas sostenibel basa riba energia alternativa, nan ta preocupa cu nan ta bay perde e
hustificacion di nan tipo di negoshi. Hayando 10, 20 of 30 mil auto electrico, un avalancha di cliente
nobo ta bin pa nos companianan di utilidad. Asina nan por transforma nan negoshi den direccion di
sostenibilidad sin cu nan ta perde nan base economico. Pesey tambe ta yuda pa tur hende traha den
direccion aki cu hopi entusiasmo,” asina Premier Eman a duna di conoce. E mandatario ta califica
introduccion di e prome auto 100% electrico di un marca grandi na Aruba como algo importante ya cu e
consumidor por haya un auto electrico na bon prijs, pero algo importante tambe ta pa henter e movecion
cu Gobierno kier a crea di transforma e autonan di Aruba pa autonan electrico. “Awenochi a haya un
empuhe hopi grandi cu e auto aki,” asina Eman a finalisa bisando.