Page 15 - MIN JUS

Tribunal di husticia a condena sospechoso di acto

inmoral cu mucha di 15 anja pa 42 luna di prison

13 mins ago 0 4 Views
Corte a dicta sentencia awe den e caso di e sospechoso D. Rafael cual a haya un condena di
prison 42 luna. Tribunal di husticia a comproba un intento di violacion y di a comete
fornificacion cu un mucha di 15 anja.
E sospechoso ta un conoci di e víctima. E víctima a wordo rescata na tempo dor di polis for di e
man di e acusado, cu tabata den su auto hunto cu e victima. E sospechoso a huy cu e victima den
auto ora el’a mira polis y despues di un persecucion, ela keda deteni. Corte ta considera cu e
momentonan aki tabata uno di hopi ansha pa e victima. E acto aki a ocaciona un shock den
comunidad. E sospechoso previamente tambe a comete mes un acto contra e mes vicitima, ora e
víctima tabatin solamente 13 anja di edad.
E sospechoso tabata haci abuso di e confiansa cu e mucha muher aki tabatin tin den dje pa asina
e comete e actonan aki. E víctima tabata na dos momento dilanti un situacion vulnerabel,
teniendo cuenta cu su edad.
E acusado tabatin un solo meta, esta su satisfaccion sexual, lubidando riba e danjo cu ela
ocaciona riba su victima.

Corte a tene na cuenta cu e acusado tin atecente penal. Tambe corte a tene na cuenta cu despues
di acto aki, e foto di e agresor a keda publica den diferente medionan di prensa.

E castigo ta igual na loke fiscal a pidi.