Page 6 - MIN JUS
P. 6
Homber 'pedofiel' Rafael D. condena na
42 luna di prison
Posted on 02/16/2017 10:12 am AST | Updated on 02/16/2017 10:15 am AST
ORANJESTAD - Huez a sentencia e sospechoso Rafael Dos
Santos, conoci den comunidad como e homber pedofiel
'sunu', na 42 luna di castigo di prison. Esaki ta e homber cu
polis a haya completamente sunu den un auto, cu un
condon colga na su parti intimo, cla pa haci acto sexual cu
un mucha muher menor di edad. Huez a mustra proba cu
tabatin un intento di violacion y tene relacion sexual cu un
mucha muher di 15 aña. E sospechoso tabata un conoci di
e victima. Segun corte e victima a wordo saca prome cu
tempo for di man di e sospechoso, cu tabata preparando
pa viola e sospechoso den su auto. E sospechoso,
despues cu polis a yega na e auto, a purba huy cu e auto y
e victima pero finalmente a wordo deteni.
Huez a considera cu esaki mester tabata momentonan di hopi
angustia pa e victima y cu a causa un consternacion grandi den
comunidad. E sospechoso den pasado caba, ora cu e victima
tabatin13 aña di edad, a haci su mes culpabel na actonan di
violacion cu e mucha muher.E sospechoso a, abusando di
confiansa cu e victima a pone den dje y abusando di e poder cu
e tabatin riba e victima, como adulto, a seriamente viola su
integridad fisico.E victima tabata, considerando su edad, ambos
biaha den un posicion hopi vulnerabel. Actuando den forma
comproba, e sospechoso tabatin bista solamente riba su
necesidad sexual, y no a tene cuenta cu e daño cu e por a
causa e victima. Huez den su condena, a tene cuenta cu e
sospechoso no tin antecedente penal. Ademas a pisa tambe cu
e sospechoso despues di su detencion, a wordo expone
publicamente pa prensa. E psicologo cu a atende e persona a
