Page 7 - KPA FEB 1

Ministerio Publico: A detene 6 sospechoso di a comete atraco
arma na La Estrella

Wednesday, 01 February 2017 10:22
Comparti

Diabierna ultimo Polis a detene 6 sospechoso relaciona cu investigacion di e atraco arma na La Estrella
situa den Certified Mega Mall na Oranjestad. Ta trata di 5 hende homber y 1 hende muhe. Polis a detene
3 di e sospechosonan na aeropuerto mes diabierna. E atraco a tuma luga riba diasabra 14 januari ultimo
ora 2 homber arma y cu cara no tapa a drenta e joyeria.

Nan a tene e personal di e tienda bao menasa cu arma, mientras cu e atracadornan a haci e showcasenan
bashi. E investigacion, bao guia di Fiscal di Husticia, ta andando ainda. No ta exclui mas detencion.

Comentarionan (0)