Page 5 - AAA

ANJESTAD, Aruba

Den combersacionnan dentro di comision di trabou den e plataforma nobo, por a tuma
nota cu tin un buraco basta grandi cu a wordo laga atras den e presupuesto 2016.
Sumanan cu ya caba a cuminsa wordo aloca y cu a ricibi pa un refineria cu mester
cuminsa opera. Cu lamentablemente te dia dia awe ainda no ta operando y no tin un
bista cla ainda riba ki fecha esaki lo cuminsa opera.

Ta mira un suma di casi 30 miyon florin cu ya caba a cuminsa wordo uza, cu ta
fondonan di traspaso di Valero pa Refineria di Aruba cu a wordo autorisa pa Gobierno
pa cubri e deficit den e presupuesto. Ta menciona esaki pasobra un di e enfokenan cu
ta bay tin cu diferente grupo, ta di e maneho structural cu mester existi pa nos finansas
publico. No cu esaki cada biaha ta wordo tapa door di entradanan cu gobierno ta ricibi
na un forma incidental.

Importancia Presupuesto Supletorio

Presupuesto Supletorio a wordo trata den Parlamento den fin di aña. Un Presupuesto
supletorio ta hopi importante pa atende, teniendo na cuenta e consecuencianan
financiero cu esaki tin cu ne.

Otmar Oduber: “Mi a carga e responsabilidad den gobierno pa casi 11 luna, caminda cu
mi por a mira den e presupuesto supletorio aki, cu e Ministerio di Turismo, Transporte,
Sector Primario y Cultura a genera practicamente 11 miyon florin adicional riba loke
tabata presupuesta pa gobierno den e presupuesto original di 2016. Lamentablemente
100% di e 11 miyon aki a wordo consumi door di otro Ministerionan cu den e caso aki
tabatin deficit nan, cu ta haci cu e surplus aki cu por tabata existi, no ta presente.
P’esey ta importante pa gobierno sigura entradanan cu ta consistente y no esunnan cu
ta drenta na un momento y despues no por conta riba nan mas.”

ATA a genera mas fondo cu a wordo presupuesta inicialmente, AAA tambe a genera
mas fondo cu tabata presupuesta den 2016, pero tambe departamentonan manera
Directie Scheepvaart y DTP a mustra di por opera mas eficiente y traha mas fondo. Te
na e punto cu Dir. Scheepvaart compara cu añanan anterior, awe ta un departamento
cu ta cubri tur su gastonan y ainda tin surplus pa gobierno y tin potencial pa hopi mas.

Keto bay wardando

Mirando fondonan di e traspaso di Valero cu ta wordo gasta mester puntra na dado
momento, cuanto placa a resta di e suma aki, sin cu tin perspectiva di ki dia e refineria
ta cuminsa draai. “Parlamento, a vocifera su mes hopi cla riba e refineria unda cu ta
kere den un refineria cu ta genera trabou y entradanan pa economia di Pais Aruba. Sin
embargo mester tuma nota cu for di aña pasa maart mester a mira refineria habri su