Page 18 - AWEMAINTA
P. 18
18 AWEMainta Diabierna, 15 Maart 2019
Hopi premio pa piscado na Torneo di Pesca di Spaans Lagoen
Invitando tur piscado p’e reunion di capitan diasabra awor
Comision Organisador Torneo Spaans Lagoen, cu patrocinio di
Fundacion Centro di Pesca Hadicurari den cooperacion cu Santa
Rosa, ta invita tur piscado p’e reunion di capitan diasabra awor
na Spaans Lagoen pa 8’or di anochi.
Aki lo repasa tur regla y haci palabracionnan final p’e torneo na
cual lo determina, ken ta e Rey (of Reina) di Djampou di Aruba.
TORNEO PA SA KEN TA REY DI DJAMPOU:
Diadomingo 17 di maart 2019 otro siman, Dia Nacional di Him-
no y Bandera, Centro di Pesca Spaans Lagoen lo tin un Torneo di
Pesca cu e meta di busca pa sa ken t’e Rey di Djampou di Aruba.
Un torneo cu mas di 2500 florin na premio. Cu premionan
atracivo p’e prome 3 lugar pa kilahe di Djampou como tambe
overall.
Ademas di esaki, lo tin varios premio pa mayor ehemplar den
e torneo, incluso mayor Djampou, Djampou hala hel, Conofes,
Mulato, Picuda, Pisca Cora, Dorao y Brasi. Baranca Boat and
Fishing Aruba ta pone un premio adicional p’e mayor ehemplar
di Djampou Rab’i Gay. E torneo ta di 4 di madruga pa 4’or di
atardi y por cuminsa pisa di 2’or di atardi.
REUNION DI CAPITAN 16 DI MAART
Diasabra awor 16 di maart 2019 lo tin e tradicional di reunion
di capitan na Centro Spaans Lagoen, unda lo duna tur regla y
palabra e detayenan final. Inscripcion p’e torneo ta 35 florin pa
participante y ta permiti un maximo di 4 piscado pa cada boto.
E prome participantenan inscribi lo ricibi nan T-shirt atractivo,
como tambe lo tin e oportunidad di participa den pot boluntario
y varios premio di consuelo.
DIA DI FAMIA Y BON AMBIENTE
Publico en general ta keda cordialmente invita di awor caba pa un
tremendo Dia di Famia festivo na Centro di Pesca Spaans Lagoen
cu domino, un tremendo cushina, bar bon surti y musica crioyo
bailabel pa un ambientoso celebracion.
Diadomingo for di 10’or di mainta te 10’or di anochi, lo tin vari-
os tent n’e centro y por spera cu segun piscadonan yega, nan lo
bende nan captura cu e publico presente.
Yega tempran y reserva esun di bo. Bin pasa un rato ameno cu
piscadonan riba bispo di nos Dia Nacional. Danki na tur e spon-
sor y boluntarionan cu a yuda, pa 5’or di atardi lo inicia cu e cer-
emonia oficial y entregamento di premio n’e ganadornan. Djey lo
sigui ambiente fiestivo cu musica bailabel. Un y tur ta bon bini.
