Page 100 - KPA

Kustwacht cu Polis a drenta awa den Mangrovenan marduga
y gara varios ilegal cu a subi tera na Mangel Halto

Wednesday, 12 April 2017 07:47
Comparti

Diaranzon marduga den careda di 4:00am, Kustwacht hunto cu Polis a haya un contacto riba radar di un
boto sospechoso. A bay mesora den su direccion. E boto tabata bayendo direccion tera banda di Santo
Largo. E boto a yega tera tambe pero e accion rapido di Kustwacht, Polis Uniforma y Team di K-9 a duna
su fruto.

Durante e accion a gara e boto y e capitan. A cuminsa un buskeda intensivo den e Mangrovenan y a logra
gara un total di 5 persona cu a purba yega tera den forma clandestino. E tabata den e area di Santo Largo
cu La Granja parti patras den e mangrovenan. Hasta a gara uno riba e caminda grandi. Tur esnan deteni
a wordo hiba warda di Santa Cruz. Lo interoga nan eynan pa tende cuanto mas nan tabata. Un di nan a
bisa cu cos ta malo na Venezuela pesey el a bin. E capitan ta keda deteni tambe y boto a keda confisca. E
lo wordo presenta dilanti di huez pa contrabanda di hende. Autoridad ta keda atento cuidando nos
costanan. E area di Santo Largo ta conoci tambe pa entrada di ilegal pasobra den pasado a gara hende
eynan y hasta a yega di haya varios saco preto cu paña muha laga atras.