Page 144 - KPA

Afpakteam ta bati hit pa di dos biaha

Tuesday, 11 April 2017 17:20
Comparti

Afpakteam Integral di Aruba a bolbe tuma un suma grandi di dollar den beslag riba diadomingo siman
pasa 2 di april. E suma a wordo descubri den un boto Venezolano durante un control di rutina di
Kustwacht na Aruba. Bao guia di Ministerio Publico e suma di placa a wordo tuma den beslag.

Dos persona a wordo deteni y ta wordo sospecha di labamento di placa. Investigacion ta sigui. Afpakteam
ta un entidad di cooperacion di Ministerio Publico di Aruba, Cuerpo Policial, Cuerpo di Aduana, Fiot
(Fiscale inlichtingen- en opsporingsteam) di Departamento di Impuesto, FIOD (Fiscale Inlichtingen- en
Opsporingsdienst), Marechaussee, Kustwacht di Aruba, MOT y RST. E Afpakteam ta combati
criminalidad financiero-economico y a cuminza traha riba prome di maart ultimo.