Page 155 - KPA
P. 155
E aña aki atrobe San Nicolas ta mas
popular pa campamento
Posted on 04/11/2017 11:25 am AST | Updated on 04/11/2017 8:56 pm AST
ORANJESTAD – E aña aki tin 21 permiso mas cu aña pasa pa campa na lama. Na tur tin
233 permiso pa campa, compara cu 212 otorga aña pasa. Remarcabel segun vocero di
polis Lito Lacle, ta cu e grupo mas grandi ta campando na San Nicolas. E cantidad di
permiso pa San Nicolas a aumenta e aña aki cu 8, pa un total di 114 permiso, compara cu
aña pasa ora cu tabatin 96 permiso. Pa Palm Beach area (Noord ) tin 99 permiso
(compara cu 95 na 2016), na Playa tin 20 permiso (compara cu 21 na 2016). Te cu awor,
tur cos ta bayendo bon segun Lacle, y ta spera cu e cantidad di campistanan aumenta
segun e siman progresa. P.e. a nota cu na San Nicolas, mientras cu e cantidad di permiso
ta halto, no tur hende a bay campa ainda. Lo tin un grupo grandi di polis pa controla e
areanan di campamento, y lo tin un post na cada un di e tres areanan.
