Page 27 - KPA

Central ta manda patruya na un adres den Paardenbaaistraat, pa un caso di ladronicia. Eynan a
papia cu e director di e instancia kende a bisa cu diaranson, pa 5’or di atardi, e la laga e edificio
intacto y na ordo. Diahuebs, pa mas of menos 1’or y 45 di marduga, e la wordo yama door di e
compania di security Safecom, cu a avise cu lo tabatin desconocidonan den e edificio. E por a
mira cu desconocidonan a drenta den varios oficina. E director no por a bisa si tabatin articulo cu
a wordo horta. E lo haci un inventario y traha un eventual lista di loke a wordo horta. Keho a
wordo tuma na e sitio. Departamento Tecnico y Central di Polis a wordo poni na altura.

http://earubianonews.com/2017/04/11/noticia-di-polis-ladronicia-den-negoshi-den-
paardenbaaistraat/

Noticia di Polis: Ladronnan

a drenta den Antesala Cafe

Published on April 11, 2017 in Suceso
ORANJESTAD, Aruba

Durante patruya, Central a manda polis na Antesala Cafe, situa na Savaneta, pa un caso di
ladronicia. Eynan polis a topa cu e porta dilanti kibra y paden a reboltea patras di e toonbank.
Bisiña a conta cu e tabata sinta riba su balcon, debi cu no tabatin coriente, y diripiente e ta
scucha algo. E ta mira den direccion di Antesala Cafe y a mira tres homber. Un di nan parce cu
tabatin un caha den su man. A bin un Altezza color shinishi for di pabao y tur tres homber a
drenta den dje. E auto a core bay den e mesun direccion. E bisiña a bisa tambe cu tur tres homber