Page 33 - AHATA
P. 33
BARKU KRUSERO SEA PRINCESS TA
ASISTĺ WARDA KOSTA KU RESKATE
10 HORA PASA , 29 DI JULI 2019 11:59
SECCION: INCIDENTE
Diasabra 27 di yüli pa 17:35 e Sentro di Reskate di Warda Kosta( RCC) a risibĺ informashon ku
tin un barku di abastesimentu, e MISS DEBBIE, den problema anto ku nan tin mester di ayudo.
Na e momento ei e barku tabata na 215 mia nortwėst di Aruba i tabata senk. E barku tabata na
kaminda pa Aruba unda e tripulante lo a bai entregá e barku na su doño nobo. Mes ora a lansa
e avion Dash 8 di Warda Kosta pa bai lokalisá e barku ku e tres tripulante ku tabata a bordo.
Mientrastantu e Sentro di Reskate di Warda Kosta a manda un notifikashon na tur barku den
bisindario pa duna asistensha. HARUNA EXPRESS i e baruku krusero SEA PRINCESS, ku
tabata na kaminda pa Korsou, tabata den bisindario. Haruna Express no a logra pa reskatá e
personan dor di laman brutu. E barku krusero si a logra di saka un boto salbabida i a buska e
tres hende hòmber ku nan a bin topa den un boto di salbabida ya ku nan barku mes a senk. Tur
tres persona ta di nashonalidat Merikano. Na yegada di SEA PRINCESS na Korsou a entregá e
tres hòmber na outoridat.
