Page 17 - FDLP

Diamars, 11 December 2018 AWEMainta 5

Ora cu a bira conoci cu no por print rijbewijs nobo

Alto Comisario, Hoo y Minister Andin Bikker

a bay den reunion y a soluciona e problema

AYERA Cuerpo Policial Aruba a informa
cu pa motibo fuera di nan alcanse cu Depar-

tamento di Rijbewijs no por print rijbewijs
entrante awe diamars 11 december 2018.

Personanan cu mester di duplicado/renoba
of pasa pa prome biaha rijbewijs lo haya un

formulario cu ta valido pa 30 dia. Riba e

formulario lo pone e nomber di e persona
y su number di rijbewijs. Tur cos lo wordo

registra den e sistema.
Polis ta haci un aviso cu esnan cu pensa di

haci cambio riba e formulario, cu esaki ta
un caso castigabel cu consecuencia cu bo

ta wordo deteni. Cuerpo Policial Aruba lo

informa manera cu por print bek via un
comunicado di prensa, asina esnan cu tin

e formulario por pasa na Deparamento di
Rijbewijs y haya nan rijbewijs. Mester pre-

senta cu e formulario mas recibo di pago y
un identificacion valido.

Asina cu e informacion aki a bira publico,
Minister di Husticia, mr. Andin Bikker y

Alto Comisario, Andrew Hoo a bay den un
reunion di caracter di urgencia. Despues vo-

cero suplente di Polis a bin afo y informa
cu Alto Comisario Andrew Hoo y Minister

Bikker cu a jega na un solucion. Y tur cos lo
sigui normal, esta tur esnan cu mester druk

nan rijbewijs, cu esaki ta posibel.