Page 38 - FDLP
P. 38
Den mundo deportivo y muy especial den e deporte di volleyball, un Setter tin un rol
masha importante y Nakisha Winklaar a nace cu e don di ta un colocadora/armado den
e wega di volleyball.
Nakisha a resalta na weganan escolar di volleyball, na Olimpiada Escolar, cu seleccion
di Scol unda Nakisha a participa na e weganan di volleyball Interinsular y hopi jong ela
cuminsa train volleyball organisa cu e team di Savaneta La Fama y ultimo añanan el a
hunga cu e team di Damas di POVA.
E atleta Nakisha a forma parti di e selección di teamnan escolar y tambe di e seleccion
pa weganan di Reino. Y na aña 2016 Nakisha Winklaar a forma parti di e seleccion
Nacional di Volleyball di Aruba cu a competi na e “CAZOVA World Championship
Qualification Tournament” cu a tuma lugar na Aruba. Y e aña aki na 2018 Nakisha a
forma parti di e seleccion Femenino di U-23 di Aruba como e Capitan di e Selección
Nacional y como e Setter principal.
Na diferente ocasión, tanto local como den torneonan unternacional di volleyball
Nakisha Winklaar tawata sobresali como Setter den e Team/Seleccion.
Entrenadornan Internacional di NORCECA cu tawata bini Aruba den cuadro di e
desaroyo di volleyball aki na Aruba, semper tawata laga atras un nota di interes y
prospecto pa e Atleta Nakisha den kende nan tawata visiona un Atleta cu por yega lew
como Setter den volleyball.
Y asina a sosode tambe cu na momento cu Nakisha Winklaar a obtene e oportunidad na
Broward College na Miami, unda el a ricibi un scholarship pa e por continua cu su
estudio y alabes forma parti di e seleccion di volleyball di dicho Colegio.
No por keda sin expresa palabranan di gratitud pa Sr. Irald Phelipa y Sr. Trevor
Therolde kendenan ta e dos personanan cu a dedica, apoya y yuda e atleta Nakisha
Winklaar realisa un di su soñonan.
Directiva di Aruba Volleyball Association ta felicita e atleta Nakisha Winklaar, su
mayornnan y henter famia cu e logro significante aki y ta desea Nakisha hopi éxito cu
su estudio y su carera como hungado internacional di volleyball. Nakisha masha masha
pabien y hopi éxito.
