Page 39 - AHATA
P. 39
Algun luna pasa, na Februari, Nicolas Maduro a cera e frontera pa evita e ayudo
humanitario drenta Venezuela. Mientras cu na otro banda, e presidente interino Juan
Guaidó a keda lucha pa e ayudo por a drenta su pais.
“Nos kier convirti’e den un region fronterizo pacifico”, El Aissami a bisa durante un
aparicion den e television estatal. “Nos a ricibi garantia cu nos soberania lo wordo
respeta y cu no lo tin interferencia den asuntonan cu mester wordo trata pa e
venezolanonan”.
El Aissami no a haci referencia specifico na e fronteranan maritimo y aereo cu e otro
islanan di Caribe manera Corsow of Bonaire, of e frontera terestre cu Colombia, cu
tambe a wordo cera na Februari.
Locual no ta conoci ainda ta si e frontera ta wordo habri inmediatamente of si a pone
un fecha specifico pa esaki tuma lugar.
Mientrastanto aki na Aruba, Gobierno, a duna di conoce merdia diabierna cu nan a
tuma nota di e declaracionnan di Vice Presidente di Venezuela cu e frontera entre
Venezuela y Aruba ta wordo habri.
Gabinete Wever Croes a laga sa cu nan a haya notificacion oficial den horanan di atardi
for di Gobierno di Venezuela y nan a manda un comunicando informando cu mirando e
situacion di e crisis sin precedente cu e pais ta pasando aden cu aumento di migracion
cu por tin efectonan pa cu orden publico y siguridad di Aruba den interes a decreta cu
Aruba ta cera frontera cu Venezuela pa un periodo di un luna. Notificacion di e medida
aki a bay pa tur autoridad.
“Apertura di e frontera entre Aruba y Venezuela na e momento aki no ta oportuno”.
DIARIO lo sigui e desaroyo aki di cerca y lo trece mas update.
https://www.diario.aw/2019/05/gobierno-di-aruba-no-ta-haya-apertura-di-frontera-aruba-venezuela-
oportuno-na-e-momento-aki-2/
