Page 28 - HOH

sclama, y pidi bo dokter. Te ora e dokter ta mira cu bo ta casi morto, e ora numa e ta
manda bo pa specialista.

Ora bo yega na specialista, e ta bisa bo pa bay haci test. Ata bo tin di bay Hospital pa

busca cita pa e test, y nan ta bisa bo cu bo turno ta yega 4 te 5 luna.

Ora cu porfin bo a haci e test, y bo a hiba e resultado pa dokter, bo ta a punto di muri
caba.

Mi ta kere cu tin di haci un cambio drastico den cuido medico. AZV ta parce sistema
Cubano unda gobierno ta dicidi ki cuido medico bo ta haya. Nos como pueblo ta
mendigando pa nos salud.

Nos ta gamble pa nos salud, y nos no tin e poder mas pa scoge cual specialista nos kier
haya atencion di dje. Ningun gobierno ta haci algo pa drecha cuido medico.

Si bo tende cuanto keho tin tur dia, ta hopi biaha nan ta papia den pueblo na palabra
na radio. Tambe via otro medionan bo ta tende hende ta sclama sin stop di e cuido
medico, y cu nan ta boga pa e wordo mehora.

Pero ta parce cu ningun hende, ningun Parlamentario, ningun Gobernante ta pone
atencion.

Ta tristo pa mira cu awendia un famia tin di cuminsa pone placa gespaar como un

“buffer” pa si acaso inespera bo mira malo, bo tin recurso pa bay mesora afo, pasobra
Aruba no tin cuido medico adecuado.

Nos pueblo, pa mala suerte tin di sigui keda y sufri bao di AZV.

Mi kier a duna compliment pa DIARIO cu e articulo. Hopi bon reaccion e cos aki a
trece!”

Nos ta yama danki na e lector cu a añadi na loke nos a relata y lo sigui presenta nos
pensamento cu mester bini expertonan independiente internacional pa reorganisa cuido
medico na Aruba, cu ta den un situacion hopi dificil pa sin mas nos mes remedia.