Page 75 - ON JAN 10

FADA a uni hunto, ya cu hopi biaha ora di conducta e hende sa kico pa haci,
pero ora di peer pressure y otro banda alcohol cu droga, tambe musica, nan ta
drenta den euforia nan ta lubida tur loke nan a haya na informacion.

Sra. Lativa Mesera di DESPA a informa tambe cu lastimamente casonan di

malesanan transmiti sexualmente a subi. Pero e edad tambe ta baha, ta hopi
mucha jong ta cana rond cu malesanan transmiti sexualmente. Tin un cantidad

di malesanan cu ta wordo transmiti sexualmente. Hobennan ta hay’e, y nan no
ta bay dokter di biaha pa controla. Esaki ta bay man den man, cu embarazo

hubenil. Si bo no uza condom cu por protehabo contra malesanan transmiti
sexualmente, e risico ta grandi cu bo por pega.

DESPA ta duna su informacion a base di charlanan, por medio di slidenan. Ta
haci uzo di plaatjes, hopi di nan ta masha mahos. Tambe e charla ta encera con

pa uza proteccion, cu lo protehabo contra cualkier malesa.

Sra. Lativa Mesera, di DESPA a bisa tambe cu educacion ta cuminsa na cas. No
mester warda te ora cu carousel bin pa splica bo yiu kico nan por haya. DESPA

ta cuminsa awo for di 12 aña bay ariba. Educacion sexual mester bin di parti di
cas tambe. E ta un combinacion. No warda riba charlanan cu ta wordo duna na
scol, ya cu aworaki tin mucha muhenan di 14 aña cu ya caba ta activo

sexualmente y cu ya caba ta na estado.

Ta purba di neem mee, di ervaring di e hobennan di loke nan mes a pasa aden.
Hobennan awendia hopi biaha ta tene relacion cu otro personanan cu nan no

conoce y bou influencia di alcohol of droga, hopi biaha nan no sa kico nan ta
haci. Peer pressure, manera menciona anteriormente tambe ta un hunga un rol

awendia.