Page 22 - FDLP

Aña pasa a participa 180 studiante y e aña aki a pone un limite di inscripcion pa 250,
mirando e interes cu tin pa e evento aki.

Sr. Erasmus a menciona cu aña pasa tabata tin 79 participante individual y 53 relief ya

cu tin e opcion aki, unda cu un ta lanta y otro ta core.

E Aquathlon lo tuma lugar na Nikki Beach, dia 8 di December. Horario di registracion ta
6 or di mainta durante e evento, y esaki mes ta cuminza 7’or.

E registracion via online a cuminza caba y tur hende interesa por haci esaki. E evento
ta completamente gratis y tur mucha y hoben studiante, mescos cu e docentenan cu
kier participa por haci esaki.

Camila Damers tambe a hiba palabra y a splica cu tin cinco categoria di edad y tres
distancia. E distancia mas cortico ta core 1.1 kilometer na pia, 100 meter na awa y 1
kilometer na pia. Esaki ta pa dos categoria di edad: di 8 aña bay abao y categoria B cu

ta 9 pa 10 aña.

E di dos distancia ta 1.5 km na pia, 100 meter den awa, 1.5 bek na pia. Esaki ta pa
categoria C- cu ta muchanan den edad 11-12 y categoria D-13-14 aña.

Por ultimo e distancia di mas largo ta core 2.5 na pia, landa 200 meter den awa y core
2.5 bek. Esaki ta mas tanto pa muchanan di scol avanza, den edad di 15 aña bay ariba
y tambe pa tur e docentenan cu ta participa.

Studiantenan di Scol di Polis, Colegio EPI, Universidad, etc., ta invita y tambe
docentenan, mirando cu den tur scol tin docente di gym cu ta hopi activo.

Kamilah Dammers a splica cu e aña e relief ta por categoria tambe, y pa mucha muher
y mucha homber. Kiermen e mester di mesun categoria, mesun sexo y mesun scol.
Esaki pa promove participacion y no un manera pa selecta, ya cu participacion ta e
meta di Scol Sport. Tambe ta bay tin premiacion, tanto individual como relief.

E ruta: Esaki ta sali for di Nikki Beach bay Sandra’s Bar, nan ta subi Linear Park y e
prome distancia ta bay te e entrada di ex-veld di Caribe, e di dos distancia ta te Start
Field, y e di tres distancia te na Aruba Bank. Di aki ta bin bek bay landa, pa ultimo bay