Page 9 - RDA

Aruba Ports Authority y sindicato STA a papia riba

binimento di un compania Hulandes pa establece na

Aruba

on: November 29, 2016In: LocalNo Comments
Print Email

Despues cu siman pasa Aruba Ports Authority y sindicato STA a sinta na mesa a papia riba e
binimento di un compania Hulandes, segun Jossy Figaroa, director di e entidad.
E reunion aki ta wordo teni regularmente unda cu ta papia riba diferente punto cu tin, tanto
preocupacion di e personal como preocupacion di APA mes. Ta pa nan ta al tanto kico ta biba y ta
pa nan scucha kico ta e plannan pa e no bin di golpi si mester tuma decision.
Gobierno dos aña pasa a firma un MOU cu un compania Hulandes Iscus, pa wak e posibilidad pa
nan bin establece na Aruba, pa asina enyecta e base economico di Aruba. Con mester haci esey ta
cu unabes na Aruba, wak con nan por haya e mercado den e region Latino Americano y Caribe y
asina crea mas cupo di trabao na Aruba.
Pa nan por haci esey, pa wak con nan por traha cu APA, cual ta para den MOU. A haci hopi trabao
hunto y prepara cu na momento e actividadnan maritimo di Citgo bin pa APA, pa nan haci’e hunto.
Como cu APA, nan tin un tugboat nan tin y no por haci hopi trabao cu tin na Citgo y a presenta esey
na Citgo. Pero lamentablemente e decision a cay pasobra Citgo mes tabata prefera pa mantene e
trabaonan ey y a bin un otro scenario na unda e necesidad hopi grandi pa APA mes, pa traha cu e
compania Iscus, no ta dje tanto grandi ey mas. E ora a yega na haci un bon oferta di nan, pa lease
un boto di nan, cual nan mes a bin cun’e for di Hulanda. A bisa Iscus cu na momento cu nan
hendenan ta cla, nan lo firma, Figaroa a splica.