Page 8 - UTIL

Habitantenan di Calabas contento cu proyectonan di

Gabinete Mike Eman

Thursday, 16 March 2017 15:33
Comparti

Calabas e siman aki a yega na turno pa haya Luz di Bario. Habitante Mario Britten a bisa cu e momento
di spera a pasa ora cu e prome luz LED a wordo cendi door di habitante Eddy Tromp, banda di Calabas
55-A. Den e hanchi bay panort ey a entrega parcela den pasado pa construi cas pero nunca a pone luz.
Awo luz a yega.

Den oranan di mainta caba Prome Minister Eman a cana den e bario pa informa nan di dos bon noticia
cu e tin pa e habitantenan. Calabas a haya un batting cage, cual a wordo estrena den oranan di atardi. Un
cantidad di mucha, hoben y adulto a duna acto di presencia pa e ceremonia di e entrega oficial door di
Prome Minister Mike Eman. Durante e Accion di Bario den dia, Prome Minister Eman a haya hopi
reaccion positivo, no solamente pa su bishita den bario y loke Calabas a haya for di Gobierno, pero tambe
pa e proyectonan cu a wordo ehecuta door di Gobernacion di Prome Minister Mike Eman. Lisa Tromp a
ricibi e mandatario cu alegria. Contento pasobra e mandatario ta cana den e bishitanan aki cu
funcionarionan di SERLIMAR y asina por a haya ayudo pa deshaci di algun sushi cu nan mes no tabatin
transporte pa hibe dump. Pero tambe a elogia e mandatario su Gobierno. “Te awor mi ta haya cu mayoria
di e proyectonan ta bon pa Aruba. Nos ta mira unda e placa ta bay. Po ehempel, nos a keda cu un caya
grandi masha bunita mes. Cu tin negoshi ta cera, esey no ta debi naGobierno. Green Corridor tambe ta
magistral y nos hospital tabata na turno pa wordo expande". Su ruman Esther Croes a bisa cu p’e
personalmente Green Corridor ta e Proyecto di mas bunita di e Gobierno aki.

“Awo cu mi yiu ta core stage na SABA na San Nicolas mi tin cu sali tur dia 5.30 di mi cas pa por yega 7’or
su trabou. Cu Green Corridor, cu camindanan mas amplio, mi ta kere cu mi por sali mas laat for di cas y
toch e ta yega su trabou na ora.” Di otro banda e tabatin elogio pa e logro di Gobierno di pa reapertura di
e refineria. Esaki pasobra e lo nifica mas cupo di trabou pa e hendenan local, cu un miho entrada.
“Trabou tin y cu bon entrada. Ban sigui 4 aña mas.” Juan Francisco Maduro, un persona di edad caba,
sinembargo e ta lesa corant y wak telenoticia via cual e ta sigui tur loke Prome Minister Eman ta
haciendo. “Gobierno ta haci un bon trabou, un caya moderno, cu mi ta wak via television pasobra mi mes
no ta sali mucho riba caya. Mi ta haya cu e Gobierno ta trahando hopi bon." Eddy Tromp, kende tabatin e
honor di cende e poste nobo dilanti su cas, a expresa di ta contento cu nan a logra haya luz despues di a
haci varios peticion pa mas iluminacion. Pero tambe tin otro proyectonan cu Gobierno a traha riba nan y
cu ta bon. “Tabatin hopi bon proyecto, manera Green Corridor. Mi por bisa cu mayoria proyecto ta bon.
Sigui asina."

http://www.24ora.com/index.php?option=com_content&view=article&id=119847:habitantenan-di-
calabas-contento-cu-proyectonan-di-gabinete-mike-eman&catid=12:politica&Itemid=18