Page 50 - ARUBA BANK
P. 50
Post riba Facebook por costa bo
trabou
20 February, 2019
Informacion cortesia di Buffete di Abogado Gomez Coffie:
Hopi persona, entre otro empleadonan, ta haci uzo di Facebook cu diferente
motibo, manera por ehempel pa duna nan opinion of pa haci remarca riba
Facebook posts di otronan. Tin biaha un empleado no ta para keto cu un post
riba Facebook por causa cu e ta perde su trabou.
Uza e argumento di libertad di expresion of bisa cu e remarca a wordo haci riba
titulo personal no ta haci cu un empleado no por wordo kita op staande voet of
cu no por pidi pa hues termina e contracto laboral via un “ontbinding”.
Corte (“Gerecht in Eerste Aanleg van Aruba”) na diferente ocasion a dicidi cu tin
limitenan na e libertad di expresion ora ta trata disputanan entre dunadonan di
trabou y empleadonan. Un ehempel recien ta un caso den corte caminda AIB
Bank a pidi nos Corte pa termina e contracto laboral cu un empleado. Corte a
