Page 46 - MIN SJA

Minister Paul Croes a sinta cu director di International Labor
Organization (ILO)

Thursday, 23 February 2017 20:21
Comparti

E aña aki e International Labor Organization (ILO) ta organisa na Jamaica su di 10 conferencia caminda
11 Minister di Labor di Caribe ta reuniendo.

Durante e conferencia aki e topico central ta pa crea mas protection di trahadornan y promocion di
mas empleo. Aruba ta representa pa Minister di Asuntonan Social, Hubentud y Labor, drs. Paul Croes.

Tambe presente pa e ocasion special aki ta Director General di ILO, Sr. Guy Ryder. Minister Paul Croes
tabatin e honor di por a combersa cu Sr. Ryder riba e desaroyonan den nos region. Alabes a
intercambia di idea riba con pa sigui mehora e posicion laboral y tambe e garantia di mas empleo.

Minister Paul Croes a mustra riba e diferente proyecto cu ta haciendo na Aruba pa apoya hobennan y
cu nan tambe por yega na un empleo. Banda di e encuentro aki Minister Paul Croes a hiba dialogo cu
varios otro Minister di labor proveniente di varios pais den nos region cu por conduci na
colaboracionnan balioso.

E conferencia aki cu ta carga como tema principal ‘The Future of Work’ ta enfoca riba e diferente reto
cu paisnan tin den e mundo globalisa di awendia. Durante e proximo tres dia, e titular di Labor tin riba
su agenda pa participa den diferente encuentro, reunion y otro actividadnan cu ta aporta
positivamente na e maneho di sector laboral na Aruba.