Page 44 - AHATA

CTO (di cual Aruba ta miembro) ta

yuda Bahamas cu fondo di emergencia

Posted on 09/4/2019 4:15 pm AST | Updated on 09/4/2019 4:15 pm AST

BRIDGETOWN – Aruba ta yuda Bahamas despues di e destruccion masivo causa riba e
archipielago pa horcan Dorian. Esaki den forma ‘indirecto’ como miembro di Caribbean
Tourism Organization (CTO). CTO a activa e asina yama; Hurricane Relief Fund, pa
yuda alivia e daño causa. E fondo a keda estableci pa ayudo economico pa su 24
miembronan (incluyendo Aruba), pa reconstruccion, despues di a keda afecta pa un
horcan of otro tipo di desastre natural. Ta manda e capital colecta directamente pa e
ministerionan di turismo, manera lo ta e caso cu Bahamas. E paisnan miembro fuera di
Aruba ta e.o. Anguilla, Antigua, Netherlands Antilles, Bahamas, Barbados, Belize,
Bermuda, Bonaire, British Virgin Islands, Cayman Islands, Cuba, Curacao y Dominica.
Republica Dominicano, Grenada, Guadeloupe, Guyana, Haiti, Jamaica, Martinique,
Montserrat, Puerto Rico, Saint Kitts and Nevis, Saint Lucia, Saint Vincent and the
Grenadines, Suriname, Trinidad and Tobago, Turks and Caicos Islands, Virgin Islands of
the United States y Venezuela tambe ta contribui.